螢幕前見到跟佬走的幸福片段簡直就像藍海傳說裡面許俊帶著沈清去一個平淡的海邊村印印腳地生活著⋯
但我想講呢啲無憂無慮結局嘅畫面有排都未輪到我啦！話說月頭到埗阿根廷後，我同成班阿燦日日組睇樓團等佢哋提早收工一齊去睇樓，事關公司限佢哋一個月內要揾到屋租。揀樓因素主要考慮：治安，治安，同治安。由於呢度嘅政黨貪污問題嚴重，國民貧富懸殊得好誇張，初嚟報到但已日日見電視報導偷竊，搶嘢，或搶唔成搞出人命嘅新聞。連續睇咗有十日到都開始睇到忟忟地，唔係大堂冇食蕉就露台就咁用磨紗玻璃同隔離屋間開，一係樓層低所以露台有鐵絲網圍住(做咩要搞到鐵窗邊緣咁啫)，再唔係高樓層啲租金貴到媽媽聲(咪一樣有繩網，防止雀仔飛入屋喎)。其實一切咁挑剔嘅選擇範圍都係因爲意佬擔心佢日日出去返工後留低我呢個毒婦人自己一個喺屋企唔夠安全。
左邊意大利泛民起勢用意文嘰哩咕嚕，右手邊阿根廷民建聯就西文咕嚕嘰哩⋯如果冇乜特別嘢咁我呢個斟茶遞水港獨都係返返酒店用中文喺度打吓摘記算了。
結論：樓，仲要繼續再睇......
Search